पद्मभूषण अण्णा हजारेंसारखे एक प्रेरणा पुरुष या ठिकाणी उपस्थित आहे, आणि पद्मश्री पोपट पवार सारखे एक समाज पुरुष या ठिकाणी एकत्रित आहे, पण त...
पद्मभूषण अण्णा हजारेंसारखे एक प्रेरणा पुरुष या ठिकाणी उपस्थित आहे, आणि पद्मश्री पोपट पवार सारखे एक समाज पुरुष या ठिकाणी एकत्रित आहे, पण त्यांच्या कार्याची प्रेरणा देखील या ठिकाणी वधूवरांनी घ्यावी आणि आपल्या भावी आयुष्यामध्ये तसेच काम त्यांनी आपल्या जीवनात आपला संसार सांभाळताना करावं असे प्रतिपादन राज्याचे मुख्यमंत्री देवेंद्र फडणवीस यांनी केले आहे.
आदर्श हिवरे बाजारचे सरपंच पोपटराव पवार यांचे सुपुत्र प्रसन्न व अशोक भगत यांची कन्या तनुजा भगत यांच्या लग्न समारंभसाठी आज राज्याचे मुख्यमंत्री देवेंद्र फडणवीस यांच्यासह अनेक मान्यवरांनी नगर या ठिकाणी येऊन त्यांना शुभ आशीर्वाद दिले. यावेळी हिवरे बाजार ग्रामस्थांच्या वतीने मुख्यमंत्री फडणवीस यांना मानपत्र यावेळी देण्यात आले.
यावेळी ज्येष्ठ समाजसेवक अण्णा हजारे, विधान परिषदेचे सभापती राम शिंदे, मंत्री गिरीश महाजन, मंत्री राधाकृष्ण विखे, आमदार संग्राम जगताप आमदार अरुण जगताप ,आमदार काशिनाथ दाते, आमदार शिवाजीराव कर्डिले, माजी आमदार बबनराव पाचपुते, माजी आमदार भीमराव धोंडे, माजी आमदार शंकरराव गडाख, माजी आमदार भीमराव धोंडे, विभागीय आयुक्त प्रवीण गेडाम, मुख्यमंत्र्यांचे मुख्य सचिव श्रीधर परदेशी, नाशिक विभाग पोलीस विभागाचे विशेष पोलीस महानिरीक्षक दत्तात्रय कराळे, जिल्हाधिकारी सिद्धाराम सालीमठ ,जिल्हा पोलीस अधीक्षक राकेश ओला, आळंदीचे निरंजन महाराज, कॅप्टन अशोक कुमार खरात, आदि यावेळी उपस्थित होते.
मुख्यमंत्री म्हणाले, पोपटराव पवार यांच्या निमंत्रणावरनं आम्ही सर्व लोक या ठिकाणी आलो, आपल्या सर्वांचे श्रद्धास्थान माननीय अण्णा हजारे देखील वधूवरांना आशीर्वाद देण्याकरता या ठिकाणी उपस्थित आहे. मी आमच्या परिवाराच्या वतीने सर्वांचे अतिशय मनःपूर्वक स्वागत करतो आणि वधू-वरांना शुभेच्छा देतो ईश्वराने त्यांच्या सर्व मनोकामना पूर्ण कराव्यात त्यांना सुख समाधान आरोग्य ऐश्वर्य द्यावं आणि त्यांच्या हातून उत्तम कार्य घडावं, आणि ज्या प्रकारे आपला घर आणि संसार तर आपण सांभाळतोच पण आज अण्णा हजारेंसारखे एक प्रेरणा पुरुष या ठिकाणी उपस्थित आहे, आणि पवारा प्रमाण सारखे एक समाज पुरुष या ठिकाणी एकत्रित आहे, पण त्यांच्या कार्याची प्रेरणा देखील या ठिकाणी वधूवरांनी घ्यावी आणि आपल्या भावी आयुष्यामध्ये तसेच काम त्यांनी आपल्या जीवनात आपला संसार संभारतांना करावं अशी शुभेच्छा आमच्या सर्वांच्या वतीने मी त्यांना देतो खूप खूप आमच्या सर्वांचे शुभाशीर्वाद हे देखील त्यांना देतो आणि पुन्हा एकदा सर्वांचे दोन्ही कडून सर्वांचे या ठिकाणी स्वागत करतो असे देवेंद्र फडणवीस म्हणाले.ज्येष्ठ समाजसेवक अण्णा हजारे यांनी नववधूवरांना शुभ आशीर्वाद देत त्यांच्या हातून देशाची व समाजाची सेवा घडो असे सांगून त्यांनी यांचे वैवाहिक जीवन सुख समृद्धीचे जावो असे आशीर्वाद त्यांनी यावेळी दिले.
चौकट : देवेंद्र फडणवीस यांना देण्यात आले मानपत्र
श्रीकृष्णाने अर्जुनाला कुरुक्षेत्रावर दिलेला गीता उपदेश हा हे मानपत्र देवेंद्र फडणवीस यांना यावेळी प्रदान करण्यात आले. ज्येष्ठ समाजसेवक अन्न हजारे व सर्व ग्रामस्थांच्या वतीने हे यावेळी मुख्यमंत्र्यांना देण्यात आले.
COMMENTS